మాస్ మహారాజ రవితేజ నటించిన ఇరుముడి ప్రేక్షకుల ముందుకు వచ్చింది. ట్రైలర్, పాటలతో ఇప్పటికే అంచనాలు పెంచిన ఈ సినిమా.. థియేటర్లో ఎలా ఉంది? రవితేజ హిట్ కొట్టాడా..? ఇది తెలుసుకోవాలంటే కథలోకి వెళ్లాల్సిందే….”
సీలేరులో సాగే ఈ కథ ప్రధానంగా స్కూల్ అమ్మాయిల చుట్టూ చోటుచేసుకునే కొన్ని అనూహ్య పరిణామాల చుట్టూ తిరుగుతుంది. ఒకవైపు సాధారణ జీవితం గడుపుతూ, కూతురంటే ప్రాణంగా చూసుకునే వ్యక్తిగా రవితేజ కనిపిస్తారు. ప్రతి ఏడాది 41 రోజుల అయ్యప్ప దీక్ష తీసుకునే ఆయన జీవితంలోకి కొన్ని ఊహించని సంఘటనలు రావడంతో కథ ఒక్కసారిగా ఆసక్తికరంగా మారుతుంది.
స్కూల్లో వరుసగా చోటుచేసుకునే పరిణామాలు అసలు ఏంటి? వాటి వెనుక ఉన్న మిస్టరీ ఏంటి? అనే ప్రశ్నలతో సినిమా ముందుకు సాగుతుంది. అయితే ఈ మిస్టరీకి సంబంధించిన అసలు విషయాలను ముందే చెప్పేస్తే సినిమా థ్రిల్ మొత్తం పోతుంది. అందుకే కథను ఇంతకంటే ఎక్కువగా రివీల్ చేయడం లేదు.
ఫస్ట్ హాఫ్ డీసెంట్గా సాగుతూ సెకండాఫ్పై అంచనాలను పెంచుతుంది. అసలు సినిమా బలం సెకండాఫ్లో కనిపిస్తుంది. ఒక్కో ఎపిసోడ్ను థ్రిల్లింగ్గా నడిపిస్తూ, ప్రేక్షకులకు ఊహించని అనుభూతిని ఇస్తుంది. కొన్ని ట్విస్టులు సర్ప్రైజ్ చేస్తాయి. ముఖ్యంగా కథ ఎటు వెళ్తుందో ఊహించే సమయంలో వచ్చే పరిణామాలు ఆసక్తిని మరింత పెంచుతాయి.
రవితేజ విషయానికి వస్తే.. ఇటీవలి కాలంలో చూడని కొత్త రవితేజను ఈ సినిమాలో చూస్తారు. యాక్షన్ సన్నివేశాల్లో ఆయన నట విశ్వరూపం కనిపిస్తుంది. ఎమోషనల్ సీన్స్లోనూ అద్భుతంగా మెప్పించారు. ప్రియ భవాని శంకర్ తన పాత్రకు పూర్తి న్యాయం చేయగా, రవితేజ కూతురిగా నటించిన బేబీ నక్షత్ర కూడా చాలా సహజంగా నటించింది. గురుస్వామి పాత్రలో సాయి కుమార్ యాక్షన్ కూడా ఆకట్టుకుంటుంది.
సినిమాకు అసలైన బలం చివరి ఎమోషనల్ ఎపిసోడ్. అయ్యప్ప భక్తి, తండ్రి–కూతురు అనుబంధాన్ని ముడిపెడుతూ వచ్చే సన్నివేశాలు హృదయాన్ని తాకుతాయి. ముఖ్యంగా రవితేజ గురుస్వామి పాత్రలో మరో చిన్నారికి ఇరుముడి కడుతూ సాగే సన్నివేశం ప్రేక్షకులను కంటతడి పెట్టిస్తుంది. పాటల్లో ‘మల్లెపూల పల్లకి’, ‘ఇరుముడి కట్టు’ థియేటర్ హైలైట్స్గా నిలుస్తాయి. ముఖ్యంగా ‘మల్లెపూల పల్లకి’కి థియేటర్లలో ఆడియన్స్ రెస్పాన్స్ మాస్కు పండగలా ఉంటుంది.
ప్లస్ పాయింట్స్
– రవితేజ నటన
– తండ్రి–కూతురు ఎమోషన్
– సెకండాఫ్ థ్రిల్లింగ్ ఎపిసోడ్స్
– ఊహించని ట్విస్టులు
– క్లైమాక్స్ ఎమోషన్
– ‘మల్లెపూల పల్లకి’, ‘ఇరుముడి కట్టు’ సాంగ్స్
– యాక్షన్ సన్నివేశాలు
మైనస్ పాయింట్స్
– ఫస్ట్ హాఫ్ కొద్దిగా స్లోగా అనిపించడం
– కొన్ని చోట్ల ల్యాగ్
– కొన్ని సన్నివేశాల్లో రైటింగ్ మరింత బలంగా ఉండాల్సింది
ఓవరాల్గా..
ఎమోషన్ + క్రైమ్ + థ్రిల్ + యాక్షన్ అంశాలను తండ్రి–కూతురు బాండింగ్తో కలిపిన సినిమా ఇరుముడి. కథలోని ప్రధాన ట్విస్టులను బయటపెట్టకుండా చూస్తేనే థియేటర్ ఎక్స్పీరియన్స్ బాగుంటుంది. కొన్ని మైనస్లు ఉన్నప్పటికీ, రవితేజ పెర్ఫార్మెన్స్, సెకండాఫ్ థ్రిల్, ఎమోషనల్ క్లైమాక్స్ సినిమాను నిలబెడతాయి.
ఫ్యామిలీతో కలిసి థియేటర్లో ఎంజాయ్ చేయొచ్చు.
త్రికాల తెలుగు రివ్యూ రేటింగ్: ⭐⭐⭐ 3.5/5
