- ప్రపంచంలో విశ్వసనీయ భాగస్వామిగా భారత్‌
- సంక్షోభాల వేళ నమ్మకమే కీలకం !-ప్రధాని మోదీ
ప్రపంచవ్యాప్తంగా యుద్ధాలు, వాణిజ్య అంతరాయాలు, ఇంధన సరఫరా సమస్యలు.. మరోవైపు కృత్రిమ మేధస్సు ప్రభావం.. ఇలా అనేక సవాళ్లు ఎదురవుతున్న ప్రస్తుత తరుణంలో భారత్‌ ప్రత్యేక మార్గంలో ముందుకు సాగుతోందని ప్రధాని నరేంద్ర మోదీ పేర్కొన్నారు. ప్రపంచ దేశాల మధ్య నమ్మకం, ఇచ్చిన మాటకు కట్టుబడి ఉండటం, అవసరమైన సమయంలో సరఫరాలు కొనసాగడం అత్యంత కీలకమని ఆయన స్పష్టం చేశారు. బ్లూమ్‌బర్గ్ న్యూ ఎకానమీ ఫోరమ్‌లో ప్రధాని చేసిన వ్యాఖ్యలు ఇప్పుడు ప్రాధాన్యత సంతరించుకున్నాయి.
ప్రపంచ ఆర్థిక వ్యవస్థలో అనిశ్చితి పెరుగుతున్న వేళ.. భారత్‌ అనుసరిస్తున్న విధానం ప్రత్యేకంగా నిలుస్తోందని ప్రధాని నరేంద్ర మోదీ అన్నారు. 21వ శతాబ్దంలో ఈ దశాబ్దం ప్రపంచానికి ఎన్నో అసాధారణ సవాళ్లను తీసుకొచ్చిందని ఆయన వివరించారు.
గత ఆరేళ్లలో ప్రపంచం కరోనా మహమ్మారిని ఎదుర్కొందని.. ఆ తర్వాత వివిధ ప్రాంతాల్లో యుద్ధాలు ప్రారంభమయ్యాయని ప్రధాని గుర్తుచేశారు. వీటికి తోడు అంతర్జాతీయ వాణిజ్యం, కీలక ఖనిజాల లభ్యత, ఇంధన సరఫరాల్లోనూ అంతరాయాలు ఏర్పడ్డాయని పేర్కొన్నారు.
ప్రపంచీకరణతో గత కొన్ని దశాబ్దాలుగా ఏర్పడిన సరఫరా మార్గాలే.. అనూహ్యంగా కొన్ని సందర్భాల్లో అడ్డంకులుగా మారుతున్నాయని మోదీ వ్యాఖ్యానించారు. అదే సమయంలో కృత్రిమ మేధస్సు.. అంటే ఏఐ.. ప్రతి రంగం పనిచేసే తీరును మారుస్తోందని తెలిపారు. అనేక దేశాలు వృద్ధ జనాభాకు సంబంధించిన సవాళ్లను కూడా ఎదుర్కొంటున్నాయని వివరించారు.
ఈ పరిస్థితుల్లో ప్రపంచం ముందున్న అతిపెద్ద ప్రశ్న ఒక్కటేనని ప్రధాని స్పష్టం చేశారు.. అదే నమ్మకం!
అవసరమైనప్పుడు సరఫరాలు అందుతాయన్న నమ్మకం.. ఇచ్చిన హామీలను నిలబెట్టుకుంటారన్న విశ్వాసం.. భాగస్వామ్య దేశాలు కష్టకాలంలో తమకు అండగా నిలుస్తాయన్న భరోసా.. ఇవే అంతర్జాతీయ సంబంధాల్లో అత్యంత కీలకమని పేర్కొన్నారు.
ఈ నేపథ్యంలో భారత్‌ ఒక ప్రత్యేకమైన దృక్పథంతో ముందుకు వస్తోందని ప్రధాని మోదీ తెలిపారు. ప్రపంచ దేశాల మధ్య విశ్వాసాన్ని పెంపొందించడం, స్థిరమైన భాగస్వామ్యాలను నిర్మించడం ప్రస్తుత పరిస్థితుల్లో కీలకమన్న సందేశాన్ని ఆయన తన ప్రసంగం ద్వారా వెల్లడించారు.
మొత్తంగా.. యుద్ధాలు, వాణిజ్య అంతరాయాలు, ఇంధన సంక్షోభాలు, ఏఐతో వస్తున్న మార్పుల మధ్య.. ప్రపంచ ఆర్థిక వ్యవస్థకు నమ్మకమే పునాది కావాలన్నది ప్రధాని మోదీ వ్యాఖ్యల సారాంశం.
💠 In the global race for power, India is following a distinct path, and this decade bears witness to it. This decade of the 21st century has brought unprecedented global challenges. Over the past six years, we have witnessed a pandemic, followed by wars breaking out in different… pic.twitter.com/XMwIFsnnSP
— PIB India (@PIB_India) October 13, 2026
