- ఇండోనేషియాలోని బాలిలో ఇంధనం కోసం క్యూ!
పర్యాటక స్వర్గధామం బాలిలో ఇప్పుడు ఇంధనం కోసం క్యూలు కనిపిస్తున్నాయా? ఇండోనేషియాలోని ప్రముఖ పర్యాటక ప్రాంతమైన బాలిలో పెట్రోల్, డీజిల్ కోసం వాహనదారులు బంకుల వద్ద బారులు తీరుతున్నారనే అంశం ఆసక్తికరంగా మారింది. అసలు ఇంధనం కోసం ఈ క్యూలు ఎందుకు? సరఫరాలో ఏమైనా ఇబ్బందులు ఉన్నాయా? లేక ధరల పెరుగుదల భయంతో వాహనదారులు ముందుగానే ఇంధనం నింపుకుంటున్నారా?
అక్టోబర్ 11 నుంచి బాలిలోని పలు ప్రాంతాల్లో పెట్రోల్ బంకుల వద్ద భారీ క్యూలు ఏర్పడ్డాయి. డెన్‌పసార్‌, బదుంగ్‌ ప్రాంతాల్లో వాహనదారులు గంటల తరబడి వేచి చూడాల్సి వచ్చింది. కొన్ని చోట్ల కిలోమీటరు మేర వాహనాలు బారులు తీరాయి.
ఈ పరిస్థితికి ప్రధాన కారణం ఇంధన సరఫరాలో అంతరాయం. ఇంధనం తీసుకొచ్చిన ట్యాంకర్‌ నుంచి సరుకును దించడంలో సాంకేతిక సమస్య తలెత్తడం, సముద్రంలో ప్రతికూల వాతావరణం కారణంగా సరఫరా ఆలస్యం కావడం పరిస్థితిని మరింత తీవ్రతరం చేశాయి. దీనికి తోడు సబ్సిడీతో లభించే పెట్రోల్ కోసం డిమాండ్‌ పెరగడం, ప్రజలు ముందుగానే ఇంధనం కొనుగోలు చేసేందుకు ప్రయత్నించడం వల్ల క్యూలు భారీగా పెరిగాయి.
అయితే, ఇది దేశవ్యాప్తంగా ఇంధన నిల్వలు పూర్తిగా అయిపోయిన సంక్షోభం కాదని అధికారులు స్పష్టం చేశారు. అదనపు ఇంధన సరఫరా, 24 గంటల పంపిణీ ద్వారా పరిస్థితిని చక్కదిద్దేందుకు చర్యలు చేపట్టారు. అక్టోబర్ 17, 18 తేదీల్లో సబ్సిడీ పెట్రోల్ కొనుగోలుపై వాహనాల నంబర్‌ ప్లేట్ల ఆధారంగా సరి-బేసి విధానాన్ని కూడా అమలు చేశారు. అక్టోబర్ 19 నాటికి కొన్ని ప్రాంతాల్లో క్యూలు తగ్గినప్పటికీ, మరికొన్ని ప్రాంతాల్లో ఇబ్బందులు కొనసాగినట్లు వార్తలు వెల్లడించాయి.
-తిరుపతిరాజు పెద్దెడ్ల, జర్నలిస్ట్
సినీ-రాజకీయ విశ్లేషకులు✍️
బాలిలో ఇంధనం కోసం భారీ క్యూ ! పెట్రోల్ బంకుల వద్ద వాహనాల బారులు ఇంధన సరఫరాలో అంతరాయం గంటల తరబడి వాహనదారుల నిరీక్షణ పర్యాటకుల ప్రయాణాలకు ఇబ్బందులు సరఫరా పెంచేందుకు అధికారుల చర్యలు ఇండోనేషియాలో ఇంధన సంక్షోభం కలకలం అక్కడ అసలు ఎం జరుగుతుందో తెలుసా?👇https://t.co/69ecRh8kQZ #Bali pic.twitter.com/1pKbzaCppU
— Trikala Telugu ( త్రికాల తెలుగు ) (@Thirunpeddedla) October 23, 2026
