ప్రభుత్వ పరీక్షల ప్రశ్నపత్రాల లీకేజీని అరికట్టేందుకు తీసుకొచ్చిన “పబ్లిక్ ఎగ్జామినేషన్స్ యాంటీ పేపర్ లీక్ సవరణ బిల్లు, 2026 (Anti-Paper Leak Bill)కు పార్లమెంట్ ఆమోదం లభించింది. లోక్సభ ఆమోదించిన తర్వాత, జూలై 30, 2026న రాజ్యసభ కూడా బిల్లును ఆమోదించింది.
ఈ బిల్లులోని ప్రధాన అంశాలు:
- ప్రభుత్వ పరీక్షల ప్రశ్నపత్రాల లీకేజీ, సంఘటిత పరీక్ష మోసాలపై మరింత కఠిన శిక్షలు.
- సంఘటిత నేరాలకు కనీసం 7 సంవత్సరాల నుంచి గరిష్ఠంగా 10 సంవత్సరాల జైలు శిక్ష.
- గరిష్ఠంగా ₹10 కోట్ల వరకు జరిమానా విధించే అవకాశం.
- ఇతర పరీక్షా అక్రమాలకు కూడా శిక్షలు, జరిమానాలు పెంపు.
పరీక్షా మాఫియాలపై వేగంగా దర్యాప్తు, విచారణ జరిపేలా చట్టాన్ని మరింత బలోపేతం చేయడం లక్ష్యం.
ప్రధానమంత్రి నరేంద్ర మోదీ బిల్లు ఆమోదంపై స్పందిస్తూ, “పిల్లల భవిష్యత్తుతో ఆడుకునేవారిని విడిచిపెట్టం. ఈ చట్టం పరీక్షా వ్యవస్థపై విశ్వాసాన్ని బలోపేతం చేస్తుంది” అని పేర్కొన్నారు.
ఈ చట్టం ప్రభావం ఎలా ఉంటుంది?
- ఈ చట్టం ఉద్దేశం నిజాయితీగా పరీక్షలు రాసే అభ్యర్థులకు రక్షణ కల్పించడం మరియు ప్రశ్నపత్రాల లీకేజీ, సంఘటిత పరీక్షా మోసాలను అరికట్టడం.
- మెరిట్కు ప్రాధాన్యం పెరుగుతుంది
- ప్రశ్నపత్రాల లీకేజీ తగ్గితే నిజంగా చదివిన విద్యార్థులకు న్యాయం జరుగుతుంది.
- ప్రతిభ ఆధారంగా ఎంపికయ్యే అవకాశాలు పెరుగుతాయి.
- పరీక్షలు రద్దయ్యే అవకాశాలు తగ్గవచ్చు
- గతంలో పేపర్ లీక్ కారణంగా అనేక పరీక్షలు రద్దయ్యేవి.
- మోసాలకు సహకరించే అభ్యర్థులపై కఠిన చర్యలు
డబ్బు ఇచ్చి ప్రశ్నపత్రాలు కొనడం, నకిలీ అభ్యర్థులను పంపించడం లేదా ఇతర పరీక్షా మోసాల్లో పాల్గొంటే చట్టపరమైన చర్యలు ఎదుర్కోవాల్సి ఉంటుంది. పరీక్షా వ్యవస్థపై విశ్వాసం పెరుగుతుంది. UPSC, SSC, RRB, NTA వంటి ప్రభుత్వ పరీక్షల నిర్వహణపై అభ్యర్థుల్లో నమ్మకం పెరగడం ఈ చట్టం లక్ష్యం. సాధారణ అభ్యర్థులు భయపడాల్సిన అవసరం లేదు. ఈ చట్టం ప్రధానంగా పేపర్ లీక్ మాఫియా, పరీక్ష నిర్వహణలో అక్రమాలకు పాల్పడే వ్యక్తులు, సంఘటిత మోసగాళ్లను లక్ష్యంగా చేసుకుంది. బిల్లులోని వివరణ ప్రకారం, సాధారణ పరీక్షార్థులు ఈ చట్టం పరిధిలో శిక్షార్హులుగా పరిగణించబడరు; వారిపై సంబంధిత పరీక్షా నియమావళి ప్రకారమే చర్యలు ఉంటాయి.
