ఒకే హైవేపై 86 వాహనాలు ఢీ..12 మంది స్పాట్ డెడ్ ▶️

 

 

 

 

  • దట్టమైన పొగమంచు..ఘోర రోడ్డు ప్రమాదం..
  • 12 మంది మృతి.. 50 మందికి గాయాలు !

ఐరోపా దేశం బల్గేరియాలో ఘోర రోడ్డు ప్రమాదం చోటుచేసుకుంది. దట్టమైన పొగమంచు కారణంగా ఒకే ప్రాంతంలో రెండు భారీ వాహన ప్రమాదాలు సంభవించాయి. ఈ ఘటనలో కనీసం 12 మంది ప్రాణాలు కోల్పోగా, మరో 50 మంది గాయపడినట్లు అధికారులు వెల్లడించారు.

రాజధాని సోఫియా నుంచి నల్ల సముద్ర తీరంలోని బర్గాస్ నగరాన్ని కలిపే ట్రాకియా జాతీయ రహదారిపై ఈ ప్రమాదాలు జరిగాయి. యాంబోల్ నగర సమీపంలో మంగళవారం ఉదయం ఈ ఘటన చోటుచేసుకుంది.

మొత్తం 86 వాహనాలు ఈ ప్రమాదాల్లో చిక్కుకున్నట్లు అధికారులు తెలిపారు. కార్లు, బస్సులు, భారీ ట్రక్కులు ఒకదానికొకటి ఢీకొనడంతో రహదారిపై భయానక పరిస్థితి నెలకొంది. పది మంది ప్రమాద స్థలంలోనే మృతి చెందగా, మరో ఇద్దరు ఆసుపత్రికి తరలించే సమయంలో ప్రాణాలు కోల్పోయారు.

సమాచారం అందుకున్న పోలీసులు, అగ్నిమాపక సిబ్బంది, వైద్య బృందాలు వెంటనే సహాయక చర్యలు చేపట్టాయి. క్షతగాత్రులను సమీప ఆసుపత్రులకు తరలించారు. ప్రమాదం కారణంగా జాతీయ రహదారిపై రెండు వైపులా రాకపోకలను నిలిపివేశారు.

ప్రాథమిక అంచనాల ప్రకారం దట్టమైన పొగమంచు, తడి రహదారి, అతివేగం ప్రమాదానికి కారణాలుగా భావిస్తున్నారు. ఘటనపై అధికారులు దర్యాప్తు చేపట్టారు. మృతులకు నివాళిగా నవంబర్ 11న జాతీయ సంతాప దినంగా బల్గేరియా ప్రభుత్వం ప్రకటించింది.

ఈ ఘోర ప్రమాదంపై బల్గేరియా ప్రధాని రుమెన్ రాదేవ్ దిగ్భ్రాంతి వ్యక్తం చేశారు. బాధితులకు సహాయం అందించేందుకు ప్రత్యేక విమానాలను కూడా ఏర్పాటు చేశారు.

మొత్తంగా పొగమంచు కారణంగా జరిగిన ఈ భారీ ప్రమాదం బల్గేరియాలో తీవ్ర విషాదాన్ని నింపింది.

  • బల్గేరియాలో ఘోర రోడ్డు ప్రమాదం!

  • దట్టమైన పొగమంచుతో రెండు భారీ చైన్ యాక్సిడెంట్లు!

  • 86 వాహనాలు ఢీ.. 12 మంది మృతి!

  • మరో 46 మందికి గాయాలు!

  • కార్లు, బస్సులు, ట్రక్కులు ధ్వంసం!

  • రహదారిపై నిలిచిపోయిన వాహన రాకపోకలు!

  • నవంబర్ 11న జాతీయ సంతాప దినం!

ట్రెండింగ్ న్యూస్