- కాంగ్రెస్దే ప్రజాస్వామ్యాన్ని, రాజ్యాంగాన్ని కాలరాసిన చరిత్ర!
- ‘ఓట్ చోర్.. సంవిధాన్ చోర్’ కాంగ్రెస్ పార్టీయే – బీజేపీ తెలంగాణ అధ్యక్షుడు రాంచందర్ రావు
కాంగ్రెస్ పార్టీపై బీజేపీ తెలంగాణ రాష్ట్ర అధ్యక్షుడు ఎన్. రాంచందర్ రావు తీవ్రస్థాయిలో విరుచుకుపడ్డారు. ప్రజాస్వామ్యాన్ని, రాజ్యాంగాన్ని కాలరాసిన చరిత్ర కాంగ్రెస్ పార్టీకే ఉందని, ఇప్పుడు అదే పార్టీ ప్రజాస్వామ్యం గురించి మాట్లాడటం విడ్డూరంగా ఉందని విమర్శించారు. అసలు దేశంలో ఓట్ చోర్, సంవిధాన్ చోర్ కాంగ్రెస్ పార్టీయేనంటూ ఘాటు వ్యాఖ్యలు చేశారు.
నాంపల్లిలోని బీజేపీ రాష్ట్ర కార్యాలయం డాక్టర్ శ్యామ్ ప్రసాద్ ముఖర్జీ భవన్లో నిర్వహించిన తెలంగాణ బీజేపీ ఆల్ సెల్స్ సమావేశంలో ఆయన ముఖ్య అతిథిగా పాల్గొని ప్రసంగించారు. పార్టీ బలోపేతంలో వివిధ విభాగాల పాత్ర అత్యంత కీలకమని పేర్కొంటూ.. బూత్ స్థాయి నుంచి ఎమ్మెల్సీ ఎన్నికల వరకు అన్ని సెల్స్ సమన్వయంతో పనిచేయాలని పిలుపునిచ్చారు. ముఖ్యంగా రాబోయే ఎమ్మెల్సీ ఎన్నికలను దృష్టిలో ఉంచుకొని ఓటర్ల నమోదు కార్యక్రమాన్ని వేగవంతం చేయాలని సూచించారు.
ఇక హైదరాబాద్లో కాంగ్రెస్ ప్రభుత్వం నిర్వహించిన భారత్ సమ్మిట్పై రాంచందర్ రావు తీవ్ర అభ్యంతరం వ్యక్తం చేశారు. పెట్టుబడుల సదస్సు పేరుతో విదేశీ ప్రతినిధులను హైదరాబాద్కు తీసుకొచ్చి భారతదేశ ప్రతిష్ఠను దెబ్బతీసే ప్రయత్నం చేశారని ఆరోపించారు. జార్జ్ సోరోస్ నిధులతో నడిచే సంస్థలకు చెందిన ప్రతినిధులను ఈ సదస్సుకు ఆహ్వానించారని విమర్శించారు.
భారతదేశ అంతర్గత రాజకీయ వ్యవహారాల్లో విదేశీయులు జోక్యం చేసుకోవడాన్ని ఎట్టి పరిస్థితుల్లోనూ సహించబోమని స్పష్టం చేశారు. ఇటలీకి చెందిన ప్రతినిధులు భారత ప్రజాస్వామ్యంపై వ్యాఖ్యలు చేయడం దేశ సార్వభౌమాధికారాన్ని అవమానించడమేనన్నారు. ప్రధాని మోదీని విమర్శిస్తే ప్రజాస్వామ్యంలో సహిస్తామని, కానీ భారతదేశాన్ని వ్యతిరేకిస్తే మాత్రం సహించేది లేదని హెచ్చరించారు.
ఈ సమ్మిట్కు 350 మంది విదేశీ ప్రతినిధులు రావాల్సి ఉండగా, కేవలం 115 మంది మాత్రమే హాజరయ్యారని తెలిపారు. కొందరికి కేంద్ర ప్రభుత్వం చివరి నిమిషంలో వీసాలు నిరాకరించడం సరైన నిర్ణయమని సమర్థించారు. జార్జ్ సోరోస్కు చెందిన నెట్వర్క్లతో సంబంధాలున్న వ్యక్తులను ఈ సదస్సుకు ఆహ్వానించడంపై అనుమానాలు వ్యక్తం చేశారు. దేశంలో అశాంతి సృష్టించి ప్రభుత్వాలను అస్థిరపరిచే ప్రయత్నాలు జరుగుతున్నాయని ఆరోపించారు.
మరోవైపు, 2014 తర్వాత దేశంలో ప్రజాస్వామ్యం లేదంటూ రాహుల్ గాంధీ చేస్తున్న విమర్శలను రాంచందర్ రావు తిప్పికొట్టారు. స్వాతంత్ర్యం వచ్చిన తర్వాత సర్దార్ వల్లభాయ్ పటేల్కు మద్దతు ఉన్నప్పటికీ నెహ్రూ ప్రధానమంత్రి కావడం నుంచి.. 1975 ఎమర్జెన్సీ వరకు కాంగ్రెస్ చరిత్రలో అనేక ప్రజాస్వామ్య వ్యతిరేక ఘటనలు ఉన్నాయని ఆరోపించారు. ఎమర్జెన్సీ సమయంలో లక్షలాది మందిని జైళ్లలో పెట్టి రాజ్యాంగ హక్కులను కాలరాశారని విమర్శించారు.
అంతేకాకుండా, సుప్రీంకోర్టు న్యాయమూర్తుల నియామకాల్లో జోక్యం, కాంగ్రెస్ పార్టీలో అంతర్గత ప్రజాస్వామ్యానికి విఘాతం, సీతారాం కేసరిని పార్టీ అధ్యక్ష పదవి నుంచి తొలగించిన తీరును ప్రస్తావించారు. గతంలో దేశ ప్రయోజనాల విషయంలో అధికార, ప్రతిపక్షాలు కలిసికట్టుగా వ్యవహరించేవని, కానీ ఇప్పుడు విదేశీ వేదికలపై భారతదేశ ప్రతిష్ఠను దెబ్బతీసేలా వ్యాఖ్యలు చేస్తున్నారని మండిపడ్డారు.
భారతదేశ సార్వభౌమాధికారాన్ని ప్రశ్నించే శక్తులకు కాంగ్రెస్ వేదిక కల్పించిందని ఆరోపించిన రాంచందర్ రావు.. భారత్ సమ్మిట్లో పాల్గొని దేశానికి వ్యతిరేకంగా వ్యాఖ్యలు చేసిన వారిపై తగిన వేదికల్లో ఫిర్యాదు చేస్తామని వెల్లడించారు. ఈ వ్యవహారంపై రాహుల్ గాంధీ దేశ ప్రజలకు బేషరతుగా క్షమాపణ చెప్పాలని డిమాండ్ చేశారు.
-
కాంగ్రెస్దే ప్రజాస్వామ్యాన్ని కాలరాసిన చరిత్ర!
-
ఓట్ చోర్.. సంవిధాన్ చోర్ కాంగ్రెస్ పార్టీయే!
-
భారత్ సమ్మిట్పై రాంచందర్ రావు సంచలన ఆరోపణలు
-
సోరోస్ నెట్వర్క్కు హైదరాబాద్లో వేదిక కల్పించారా?
-
దేశ సార్వభౌమాధికారాన్ని ప్రశ్నిస్తే సహించేది లేదు
-
రాహుల్ గాంధీ దేశ ప్రజలకు క్షమాపణ చెప్పాలి
-
ఎమ్మెల్సీ ఎన్నికలే లక్ష్యంగా బీజేపీ సెల్స్కు దిశానిర్దేశం
‘భారత్ సమ్మిట్’ పేరుతో జార్జ్ సోరోస్ నిధులతో నడిచే దేశ వ్యతిరేక శక్తులను హైదరాబాద్కు రప్పించి భారతదేశ ప్రతిష్ఠను దెబ్బతీశారు
భారతదేశ సార్వభౌమాధికారాన్ని ప్రశ్నిస్తే సహించేది లేదు.. రాహుల్ గాంధీ దేశ ప్రజలకు క్షమాపణ చెప్పాలి pic.twitter.com/LxEt1W31mb
— N Ramchander Rao (@N_RamchanderRao) November 15, 2026
ఒకప్పుడు ఇందిరా గాంధీ, రాజీవ్ గాంధీ లేదా మన్మోహన్ సింగ్ లాంటి కాంగ్రెస్ ప్రధానులు ఉన్న కాలంలో కూడా విదేశీ గడ్డ మీద మన దేశ ప్రతిష్టను ఎవరూ తక్కువ చేసి మాట్లాడలేదు. నాడు పీవీ నరసింహారావు గారు కాశ్మీర్ అంశంపై ఐక్యరాజ్యసమితిలో మాట్లాడేందుకు అటల్ బిహారీ వాజ్పేయి గారిని పంపితే, ఆయన మన… pic.twitter.com/f4EFUKn6bE
— BJP Telangana (@BJP4Telangana) November 15, 2026